នៅមិនយូរទៀតទេ រឿងភាគចិនបូរាណមួយរឿងទៀតដែលនឹងត្រូវចូលខ្លួនមកបម្រើអារម្មណ៍ទស្សនិកជននោះគឺរឿង «វីរៈនារីសម្ងាត់ស៊ូឆឺ»។ រឿងនេះនឹងត្រូវផ្តើមចាក់ផ្សាយចាប់ពីថ្ងៃច័ន្ទ ទី១៨ ខែសីហា ឆ្នាំ២០២៥ វេលាម៉ោង ៦ ដល់ម៉ោង ៧យប់ នៅលើកញ្ចក់ទូរទស្សន៍ភីអិនអិន។ 

រឿង វីរៈនារីសម្ងាត់ស៊ូឆឺ ត្រូវបានចាក់ផ្សាយកាលពីឆ្នាំ២០២០ នៅឯប្រទេសចិន ហើយក៏ទទួលបានការគាំទ្រច្រើនផងដែរពីសំណាក់ទស្សនិកជននាពេលនោះ។ រឿងនេះសាច់រឿងនិយាយពីភាគរង្គោះរង្គើនៅក្នុងរាជវាំងដែលបណ្តាលអោយមានសង្គ្រាមកើតឡើង។ នគរឈី គឺជាទឹកដីមួយដែលសម្បូរទៅដោយសង្គ្រាម។ ព្រះអង្គម្ចាស់វ័យក្មេងឈ្មោះ ស៊ាវ យិន ជី ដែលមានទេពកោសល្យផ្នែកយោធាដ៏ប៉ិនប្រសប់ ត្រូវបានបញ្ជូនឱ្យទៅទប់ទល់នឹងកងកម្លាំងឈ្លានពាន។ ទោះបីជាទ្រង់បានខិតខំប្រឹងប្រែងយ៉ាងក្លាហានក៏ដោយ ទីបំផុតកងទ័ពរបស់ទ្រង់ត្រូវបរាជ័យក្នុងការប្រយុទ្ធមួយនេះ។ សត្រូវដែលឆ្លៀតឱកាសនៅក្នុងរាជវាំងបានទាញយកប្រយោជន៍ពីស្ថានភាពនេះ ដោយបង្ខំឱ្យ ប៉ី យិន ឈី ចុះចេញពីតំណែងជាប្រមុខកងទ័ព ហើយបានតែងតាំងអ្នកបម្រើម្នាក់ឱ្យឡើងគ្រងរាជ្យបល្ល័ង្កវិញ។

ព្រះអង្គម្ចាស់ ឈី មានអារម្មណ៍ថាខ្លួនត្រូវបានគេក្បត់។ ទ្រង់បានសច្ចាថានឹងស្វែងរកឫសគល់នៃរឿងនេះ ហើយបានក្លែងខ្លួនធ្វើជាប្រជារាស្ត្រសាមញ្ញដើម្បីលាក់បាំងអត្តសញ្ញាណ ក្នុងការស៊ើបអង្កេត។ ក្នុងបេសកកម្មស្វែងរកការពិតរបស់ទ្រង់ ទ្រង់បានជួបនឹងអ្នកស៊ើបអង្កេតស្រីវ័យក្មេងម្នាក់ឈ្មោះ ស៊ូ ឆឺ ដែលមានភាពវៃឆ្លាត និងរហ័សរហួនមិនធម្មតា ហើយនាងក៏ជាអ្នកតាមរកឃាតករ ដែលបានសម្លាប់ក្រុមគ្រួសាររបស់នាងផងដែរ ដោយត្រូវបន្លំខ្លួនធ្វើជាមនុស្សប្រុសដើម្បីកុំអោយមានការសង្ស័យ។ អ្នកទាំងពីរបានបង្កើតចំណងមិត្តភាពដ៏ស្អិតរមួត។ ពួកគេបានរួមក្រុមជាមួយអ្នកស៊ើបអង្កេតវ័យក្មេងពីរនាក់ទៀតដែលមានគំនិតរហ័សដូចគ្នា ហើយបានសហការគ្នាដើម្បីស្វែងរកទំហំនៃការឃុបឃិតគ្នា ដែលបានធ្វើឱ្យរាជវាំងទាំងមូលរង្គោះរង្គើ។

តើការស្វែងរកឃាតករពិត និង ឬសគល់នៃភាពចលាចលនេះ នឹងត្រូវជួបឧបសគ្គអ្វីខ្លះ? កុំភ្លេចរង់ចាំតាមដានទស្សនាទាំងអស់គ្នា ជាមួយរឿងភាគចិន វីរៈនារីសម្ងាត់ស៊ូឆឺ ចាក់ផ្សាយចាប់ពីថ្ងៃច័ន្ទ ទី១៨ ខែសីហា ឆ្នាំ២០២៥ ចាប់ពីវេលាម៉ោង ៦ ដល់ម៉ោង ៧យប់តទៅ នៅលើកញ្ចក់ទូរទស្សន៍ភីអិនអិន តែមួយគត់៕ 
 

ដោយ៖ វ៉ាន់ណែត