ទីបំផុតការប្រកួតដ៏ធំដែលជាព្រិត្តិការណ៍ប្រកួត Ganzberg Kun Khmer Super Strike បានចូលមកដល់ហើយដោយកីឡាករគុនខ្មែរ ៥ នាក់ត្រូវសាកកណ្តាប់ដៃជាមួយកីឡាករបរទេស ៥ នាក់នៅរសៀលថ្ងៃអាទិត្យទី ២៧ កក្កដា នេះនាសង្វៀនព្រែកព្នៅ PNN។

ផ្តើមពីគូពិសេសទី ១ កីឡាករមាឌល្អិតចិត្តដំរី ហ៊ីម សេរី នឹងត្រូវចេញមុខតតាំងជាមួយអ្នកប្រយុទ្ធមកពី អ៊ីរ៉ង់ ម៉ូរ៉ាឌី ម៉ូរ៉ាតលូ។ គូពិសេសទី២ ម្ចាស់ឡានប៊ូស្ត្រង ពុធ សំបូរ នឹងប្តូរជ័យជម្នះជាមួយអ្នកប្រដាល់ អ៊ីរ៉ង់ ភូរីយ៉ា វ៉ាលី។ គូពិសេសទី៣ ធន់ ស៊ីហុង នឹងត្រូវប៉ះគ្នាជាលើកដំបូងជាមួយអ្នកប្រដាល់មកពី អ៊ូបេគីស្ថាន ណាចមីតឌីណូវ ស៊ុករូស ខណៈដែលគូពិសេសទី៤ គឺជាការប៉ះគ្នារវាង ថៃ រ៉េត និងកីឡាកររបស់ប្រទេសម៉ារ៉ុក អាម៉េត អ៊ែលមហាដូនី។ គូពិសេសទី៥ដែលយើងចំណាំថាជាគូឯកប្រចាំកម្មវិធីគឺ ឡៅ ចន្ទ្រា ត្រូវពិពណ៌នាក្បាច់ប្រកួតរបស់ខ្លួនជាមួយកីឡាករ អ៊ីរ៉ង់ ម៉ាស៊ូត ម៉ូហ្គីមៀន។

សូមកុំភ្លេចជួបគ្នានៅថ្ងៃអាទិត្យទី២៧ សប្តាហ៍នេះ ចូលរួមទស្សនាដោយសេរីនៅសង្វៀន PNN ព្រែកព្នៅ និងផ្សាយផ្ទាល់ចាប់ពីវេលាម៉ោង១:០០នាទីរសៀលតទៅ នៅលើកញ្ចក់ទូរទស្សន៍ ភីអិនអិន, ហ្វេសបុក និងយូធូប PNN Sports រួមទាំងហ្វេសបុក Ganzberg!
 

ដោយ៖ ក្រុមកាងារកីឡាPNN