ពិតជាប្លែកអារម្មណ៍ទៀតហើយជាមួយកម្មវីធី Cambodia Lite Station នៅសប្តាហ៍នេះនឹងមានវត្តមានក្រុមតន្ត្រី September’s End និងកញ្ញា ម៉ាម៉ា។ ក្រុម September’s End ជាក្រុមតន្ត្រីមួយមានសមាជិកបួននាក់ ហើយក៏ជាក្រុមតន្ត្រីដែលបានឆក់យកបេះដូងទស្សនិកជនជាច្រើនអោយងាកមកគាំទ្រ តាមរយៈបទចម្រៀងនិពន្ធថ្មី ជាច្រើនបទទៀតផង។ 

ចំនែកឯវត្តមានតារាចម្រៀងស្រីមួយដួងទៀតគឺ កញ្ញា ម៉ាម៉ា ក៏ជាអ្នកចម្រៀងស្រីមួយដួងដែលគ្រប់គ្នាទទួលស្គាល់ពីទឹកដមសម្លេងពីរោះមួយបែប និងមានការគាំទ្រច្រើនគួរសមផងដែរ។ មិនត្រឹមតែប៉ុណ្ណោះ នៅពេលបានបកស្រាយបទចម្រៀងជាមួយភ្លេចបែប Acoustic នឹងកាន់តែធ្វើអោយគ្រប់បទចម្រៀងដែលបានលើកយកមកបកស្រាយក្នុងកម្មវីធីតន្ត្រី Cambodia Lite Station ពីរោះទ្វេដង។ 

មិនត្រឹមតែបានស្តាប់ និងទស្សនាជាមួយការបកស្រាយបទចម្រៀងពីរោះៗប៉ុណ្ណោះទេ ទស្សនិកជន ក៏នឹងបានស្តាប់កិច្ចសន្ទនាពិសេសពាក់ព័ន្ធនឹងជីវិតផ្ទាល់ខ្លួន និងជីវិតនៅលើវិថីសិល្បៈចម្រៀង រួមទាំងបទពិសោធន៍ល្អៗជូនដល់ទស្សនិកជន។ 
ចង់ដឹងទេថាតើពួកគាត់នឹងលើកយកបទចម្រៀងអ្វីខ្លះមកបកស្រាយនៅក្នុងកម្មវីធី Cambodia Lite Station? កុំភ្លេចណារង់ចាំតាមដានទស្សនាជាមួយកម្មវីធី Cambodia Lite Station នៅថ្ងៃអាទិត្យ ទី០៨ ខែកញ្ញា ឆ្នាំ២០២៤ វេលាម៉ោង ៥ល្ងាចតទៅ នៅលើកញ្ចក់ ទូរទស្សន៍ភីអិនអិន ៕ 

ដោយ៖ ម៉ី វ៉ាន់ណែត