បន្ទាប់ពីអ្នកប្រដាល់គុនខ្មែរ រិន សារដ្ឋ បានផ្តួលកីឡាករ អាហ្គានីស្ថាន អាមៀហូសេន អ៊ីប្រាហ៊ីម និង វេង សុភ័ក្រ បានផ្តួលកីឡាករ ម៉ារ៉ុក ខាលីត ជីប នៅដំណាក់កាលនៃការប្រកួតជម្រុះកាលពីថ្ងៃទី 17 ឧសភា មុននេះនាពេលនេះក៏ចូលដល់ពេលវេលាដែលពួកគេត្រូវប្រកួតគ្នារើសយកជើងខ្លាំងតែម្នាក់ដើម្បីឡើងទៅប្រកួតដណ្តើមខ្សែក្រវាត់ប៊ូស្ត្រងទម្ងន់ 63.5 គីឡូក្រាមពី សោម វិឆ័យ ដែលបានផ្តួល ឡុង ជិន និងគ្រប់គ្រងខ្សែក្រវាត់មួយនេះតាំងពីខែ កុម្ភៈ កន្លងមក។

មុនការប្រកួតចូលមកដល់នាល្ងាចថ្ងៃសៅរ៍ទី 14 មិថុនា នេះ រិន សារដ្ឋ បាននិយាយឲ្យដឹងថាគេពិបាកប៉ាន់ស្មានថាការប្រកួតមួយនេះទៅជាយ៉ាងណានោះណាស់ ព្រោះគេក៏ចង់ឈ្នះ ចំណែកឯ វេង សុភ័ក្រ ក៏ចង់ឈ្នះដូចគេដែរ។ ពិតជាដូច្នោះមែនហើយ វេង សុភ័ក្រ ក៏បាននិយាយឲ្យដឹងដែរថា ខ្លួនគេបានហ្វឹកហាត់មកជាយូរដើម្បីរកឱកាសមួយនេះឡើងទៅប្រកួតដណ្តើមខ្សែក្រវាត់ពី សោម វិឆ័យ ដូច្នេះគេមានជំនឿចិត្តយ៉ាងមុតមាំថាគេអាចធ្វើបាន។

ក្រៅពីការប្រកួតរបស់អ្នកទាំងពីរដែលជាគូឯកពីកម្មវិធីក៏មានការប្រកួតគូមិត្តភាពអន្តរជាតិ ខ្មែរ-អ៊ីរ៉ង់ ចំនួន 4 គូទៀតដែរដែលមាន  ធន់ តារា ប្រកួតជាមួយ ម៉ូរ៉ាឌី អាមៀហូសេន ។ ពុធ សំបូរ ប្រកួតជាមួយ សេបឺរ ជេរ៉ាវ៉ាន់។ ទ្បុង បេនលឿន ប្រកួតជាមួយ អាម៉េត ម៉ាស៊ូមីនៀ និង វង្ស ណយ ប្រកួតជាមួយ មហាម៉េត ម៉ាឌី ។

សូមកុំឲ្យព្រិត្តិការណ៍ប្រកួតដ៏ធំនេះរំលងផុតឲ្យសោះ ជួបគ្នានៅថ្ងៃសៅរ៍ ទី ១៤ ខែ មិថុនា ឆ្នាំ ២០២៥  ចូលរួមទស្សនាដោយសេរី  នៅសង្វៀន PNN ព្រែកព្នៅ និងផ្សាយផ្ទាល់ចាប់ពីវេលាម៉ោង៥:១៥នាទីរសៀលតទៅ នៅលើកញ្ចក់ទូរទស្សន៍ ភីអិនអិន, ហ្វេសបុក និងយូធូប PNN Sports រួមទាំងហ្វេសបុក BOOSTRONG!

ដោយ៖ chhoam