សប្ដាហ៍នេះទស្សនិកជននឹងទទួលបានចំណីអារម្មណ៍ថ្មីប្លែកទៀតហើយពីការប្រគំតន្ត្រីបែបថ្មី និងដ៏ធំប្រចាំស្ថានីយទូរទស្សន៍ PNN  KIZZ Concert ថ្ងៃសុក្រទី៨ ខែធ្នូ ឆ្នាំ២០២៣នេះជាមួយតារាចម្រៀងស្រីល្បីឈ្មោះ ៣ដួង និងក្រុមចម្រៀងវ័យក្មេងកំពុងពេញនិយមពីសំណាក់មិត្តៗយុវវ័យ។

តារាចម្រៀងវ័យល្បីៗដែលកំពុងពេញនិយកពីសំណាក់ទស្សនិកជនដែលនឹងចូលរួមបង្ហាញសមត្ថភាពក្នុងកម្មវិធីនេះមានដូចជាក្រុម Dark Stormz Band កញ្ញា វី ឌីណែត កញ្ញា សុវត្តិឌី ធារីកា និង កញ្ញា បូរាណ អង្គារ៉ាបូរី។

តារាល្បីៗកំពុងមានឈ្មោះបោះសំឡេងខាងលើនឹងមិនធ្វើឱ្យទស្សនិកជនខកបំណងនោះទេ ដោយពួកគេនឹងពាំនាំបទចម្រៀងថ្មីប្លែក ដែលកំពុងពេញនិយមនាពេលបច្ចុប្បន្នដើម្បីញាំងឱ្យកម្មវិធីប្រគំតន្ត្រីទាំងមូលកាន់តែសប្បាយរីករាយ។

មិនត្រឹមតែបានជួបតារាល្បីៗខាងលើប៉ុណ្ណោះទេ កម្មវិធីប្រគំតន្រ្តី KIZZ  Concert ក៏នៅតែបើកឱកាសអោយអ្នកទស្សនាដែលមានទេពកោសល្យសិល្បៈ មកបង្ហាញសមត្ថភាពផងដែរ។

រៀងរាល់ខែនឹងមានបេក្ខភាពមកបង្ហាញសមត្ថភាព ហើយមានឱកាសច្រៀងរួមគ្នាដោយផ្ទាល់ជាមួយតារាចម្រៀងអាជីព ហើយការប្រកាសស្វែងរកនិងជ្រើសរើសបេក្ខភាពមានសមត្ថភាពនឹងធ្វើឡើងតាមរយៈផ្ញើវីដេអូឃ្លីបសម្តែងរបស់សាម៉ីខ្លួនចូលមកប្រអប់សារទំព័រហ្វេសប៊ុក PNN TV Cambodia និងទំព័រហ្វេសប៊ុក KIZZ។

 រៀងរាល់ខែក្រុមការងារផលិតកម្មវិធីនឹងជ្រើសយកបេក្ខភាព ៥ រូប ដើម្បីដាក់អោយបោះឆ្នោតតាមរយៈការបង្ហោះឃ្លីបវីដេអូទាំង៥ នៅលើផេក PNN TV Cambodia ។

 បេក្ខភាព ដែលមានការគាំទ្រខ្លាំងជាងគេបំផុត ១រូប ក្នុងចំណោម៥រូប នឹងត្រូវជ្រើសអោយមានឱកាសច្រៀងដោយផ្ទាល់ក្នុងកម្មវិធីប្រគំតន្រ្តី KIZZ Concert ។

KIZZ Concert ផ្សាយផ្ទាល់រៀងរាល់ ថ្ងៃសុក្រ វេលាម៉ោង ១១:០០ ថ្ងៃត្រង់ ដល់ ម៉ោង ១រសៀល នៅលើកញ្ចក់ ទូរទស្សន៍ PNN និង លើហ្វេសប៊ុកផេក KIZZ៕

ទស្សនាវីដេអូខ្លីសូមចុច៖ 

ដោយ៖ អ៊ីង សូឡា