អាន និង ឡាលីហ្សា គឺជាកូនកំព្រា ដែលបាត់បង់ឪពុកដូចគ្នាខ្លួន។ នៅថ្ងៃតែមួយឪពុករបស់ពួកគេបានស្លាប់ក្នុងពេលបម្រើការងារជាប៉ូលិស។ ម្តាយរបស់ ឡាលីហ្សា ចិញ្ចឹម ក្មេងស្រីម្នាក់ទៀត ឈ្មោះ ជេននីរី និងចាត់ទុកនាងដូចជាកូនបង្កើតរបស់គាត់ដែរ  រួមជាមួយប្អូនប្រុសម្នាក់ទៀត។  ពួកគេទាំងបីនាក់ បានបង្កើតចំណងស្និទ្ធស្នាលនឹងគ្នា។

យូរៗទៅ ឡាលីហ្សា  និង ជេននីរី បានចូលអង្គភាពបណ្តុះបណ្តាលពិសេសមួយហៅកាត់ថា  SIC (Special Investigation Centre)។ អ្នកទាំងពីរត្រូវបានបញ្ជូនទៅហ្វឹកហាត់ជាមួយលោកអធិការ ណន ដែលមន្ត្រីនគរបាលវ័យក្មេងមួយរូប។ លោកជាមន្ត្រីមានគុណធម៌ ហើយតែងតែសុខទុក្ខនគរបាលភូមិន្ទ និងត្រូវបានកោតសរសើរដោយមន្ត្រីបញ្ជាការនៅក្នុងទីភ្នាក់ងារទៀងផង។

ណុន ជ្រើសរើស ដារិន ជាជំនួយការថ្មីរបស់គាត់ ប៉ុន្តែក្រោយការស្លាប់របស់ ដារិន ក្នុងពេលដេញតាមចាប់អ្នកជួញដូរគ្រឿងញៀន គាត់មានការខកចិត្ត ហើយលាលែងពីប៉ូលិស។ មេបញ្ជាការ ចន នៅតែចង់ឱ្យគាត់បន្តការងារ ដោយពេលនោះ ចំពេលមានការយល់ព្រមពីប្រធានក្រុម ចនដែលមើលឃើញពីសក្តានុពលរបស់ ជេននីរី បានបញ្ជូននាងធ្វើជាជំនួយការថ្មីរបស់ ណុន ។ ឡាលីហ្សា កើតចិត្តច្រណែន  យល់ខុសថាប្អូនស្រីនឹងដណ្តើម ណុនចេញពីនាង។ ដូច្នេះហើយបានងាកទៅសហការជាមួយប្រធានក្រុម ម្នាក់ទៀត ឈ្មោះថន ដែលជាគូប្រកួតរបស់ណុន  ដើម្បីយកការងារពីក្រុម ជេននីរី ។ ទាំង ជេននីរី និង ឡាលីហ្សានឹងត្រូវគ្នាឬបន្តប្រជែងគ្នា? តើលោកអធិការ ណុន អាចចាប់មេខ្លោងដែលនៅពីក្រោយក្រុមជួញដូរគ្រឿងញៀនបានឬទេ?