សង្វៀន BOOSTRONG KING OF POWER KUNKHMER កាន់តែកក្រើកនាដើមខែវិច្ឆិកានេះ ជាមួយនឹងការប្រកួតលក្ខណៈអន្តរជាតិដ៏កក្រើកចំនួនពីរគូ និងការប្រកួតរវាងជើងខ្លាំងគុនខ្មែរប៉ះគុនខ្មែរយ៉ាងជក់ចិត្តចំនួនបីគូបន្ថែមទៀតផងដែរ។  សម្រាប់ការប្រកួតគុនខ្មែរដ៍ជក់ចិត្តក្នុងសប្ដាហ៍ទី៤ នាថ្ងៃសៅរ៍ ទី២ ខែវិច្ឆិកា ឆ្នាំ២០២៤នេះ សមាសភាពកំពូលជើងខ្លាំងដែលនឹងឡើហមកបញ្ចេញស្នៀតគុនអង្រួនសង្វៀន BOOSTRONG KING OF POWER KUNKHMER ក្នុងការប្រកួតមិត្តភាពអន្តរជាតិនាមានដូចជា ជើងខ្លាំងគុនខ្មែរល្អកែងរហ្សនាមលោកមេទ័ពធំ សូត្រ ប៊ុនធីនឹងត្រូវប៉ះដៃគូថ្មីម្ចាស់ខ្សែក្រវាត់មកពីប្រទេសប្រេស៊ីល ប្រាយអ៊ិន ម៉ូរ៉ាដែលអ្នកទាំងពីរណាត់គ្នាលើប្រភេទទម្ងន់ ៦៣.៥គីឡូក្រាម រីឯអ្នកប្រដាល់ចិត្តសឿងដៃធ្ងន់ជង្គង់ល្អកំណត់ត្រាអន្តរជាតិ៨ប្រកួតមិនទាន់ចាញ់ ធន់ អៀនឡេងរបស់សមាគមកីឡាប្រដាល់កងយោធពលខេមរភូមិន្ទនឹងត្រូវប៉ះជើងខ្លាំងមកពីប្រទេសថៃ ឆូក វ៉.ផេតភូន ដែលការប្រកួតនឹងធ្វើឡើងលើប្រភេទទម្ងន់ ៥៧គីឡូក្រាម ចំពោះការប្រកួតមិត្តភាពអន្តរជាតិទាំងពីរគូខាងលើនេះប្រព្រឹត្តទៅលើលក្ខន្តិកៈគុនខ្មែរប្រាំទឹក ក្នុងមួយទឹកមានរយៈពេលបីនាទី។

  ចំណែកឯការប្រកួតលក្ខណៈមិត្តភាពគុនខ្មែរយ៉ាងជក់ចិត្តបីគូផ្សេងទៀតនោះមាន ជ័យ គឹមហុងរបស់ក្លិបប្រដាល់ឃ្លាំងមឿងកីឡាខេត្តពោធិ៍សាត់ប្រកួតជាមួយធន់ ចាន់គង់របស់សមាគមកីឡាប្រដាល់កងយោធពលខេមរភូមិន្ទ ចំណែកឯអ្នកប្រដាល់វ័យក្មេង រីគី ពៅអាគមន៍របស់ក្លិបប្រដាល់ខ្លារខិនមានរិទ្ធប្រកួតជាមួយឌីម សារ៉ាមកពីក្លិបប្រដាល់នាគរាជចតុមុខ ខណៈដែលថេន សំអូនមកពីក្លិបប្រដាល់ប៉ែនកាក់សេនប៊ុនថេនគុនខ្មែរប្រកួតជាមួយរីគី នីអាគមន៍មកពីក្លិបប្រដាល់ខ្លារខិនមានរិទ្ធ ចំពោះការប្រកួតមិត្តភាពជាតិទាំងបីគូនេះប្រព្រឹត្តទៅលើលក្ខន្តិកៈគុនខ្មែរបីទឹក ក្នុងមួយទឹកមានរយៈពេលបីនាទី។

សូមប្រិយមិត្តចូលរួមធ្វើជាសាក្សីនៃការប្រកួតដ៏កក្រើកអស្ចារ្យនេះ ដោយចូលរួមទស្សនាឱ្យបានច្រើនកុះករ ដែលការប្រកួតនឹងចាប់ផ្ដើមផ្សាយផ្ទាល់ចាប់ពីវេលាម៉ោង ៤:៣០នារីរសៀលតទៅ នៅលើកញ្ចក់ទូរទស្សន៍ ភីអិនអិន, ហ្វេសបុកផេក, ទំព័រយូធូប PNN Sports ហ្វេសបុក Boostrong និង App PNN PLUS។ ម្រាប់បងប្អូនដែលទស្សនាតាមទូរស័ព្ទដៃសូមកុំភ្លេចស៊ែចែករំលែកផងណាដើម្បីចែករម្លែកការប្រកួតគុនខ្មែររបស់យើងទៅកាន់ពិភពលោកឱ្យពិភពលោកកាន់តែស្គាល់ថែមទៀត។
 

ដោយ៖ Cheng