ប្រវត្តិស្នេហ៍ដ៏ផ្អែមល្ហែម និងបទពិសោធន៍ក្នុងអាជីពជាអ្នកសិល្បៈរបស់តារាពីរដួងគឺ លោក NOLY និង លោក PiPo នឹងត្រូវលាតត្រដាងនៅលើវេទិការ CAMBODIA LITE Station។  លោក NOLY និង លោក PiPo បានប្រាប់ការពិតថាអ្នកទាំងពីរមានម្ចាស់បេះដូងរួចទៅហើយ។ ពាក់ព័ន្ធនឹងជីវិតគូរបស់អ្នកទាំងពីរ ពិធីការនី ពេជ្រ ច័ន្ទធីតា នឹងជីកសួរស៊ីជម្រៅ លាយឡំនិងសំនួរសំណើច ធានាធ្វើអោយទស្សនិកជនទស្សនាហើយរីករាយជាមួយនឹងតារាកិត្តិយសទាំងពីរដួង។ 

ក្រឡេកមកមើលពីកាងារផ្នែកសិល្បៈវិញ លោក NOLY បច្ចុប្បន្នកំពុងតែមមាញឹកជាមួយនឹងការងារ Event ខាងក្រៅច្រើន ហើយលោកក៏ត្រៀមចេញជាមួយបទចម្រៀងថ្មីៗជាច្រើនបទផងដែរ។ រីឯលោក PiPo វិញ លោកបាននិយាយថា បច្ចុប្បន្ននេះកាងារសិល្បៈហាក់មិនសូវមមាញឹកច្រើនដូចពេលមុនឡើយ។ 

ក្រៅតែពីកិច្ចសន្ទនារវាងពិធីការនី និងតារាកិត្តិយសទាំងពីរដួងហើយនោះ គាត់ក៏មានជាមួយបទចម្រៀងពីរោះៗជាច្រើនបទ ដោយបទចម្រៀងទាំងនោះនឹងត្រូវលេងជាមួយនឹងភ្លេងបែបAcoustic កាន់តែញុំាងអោយកម្មវិធីមានភាពសប្បាយរីករាយទ្វេដង។ កុំភ្លេចណា! រង់ចាំតាមដានទស្សនាជាមួយកម្មវិធី CAMBODIA LITE Station ចាក់ផ្សាយរៀងរាល់ថ្ងៃអាទិត្យ វេលាម៉ោង ៥ល្ងាច នៅលើកញ្ចក់ទូរទស្សន៍ ភីអិនអិន ៕ 
 

ដោយ៖ ម៉ី វ៉ាន់ណែត