ព្រោះតែចង់ការពារឋានទាំងបី មីងយាក បានប្រយុទ្ធជាមួយនឹងស្តេចបិសាច ដែលមកអុកឡុក ប៉ុន្តែក៏ត្រូវស្តេចបិសាចប្រើយុទ្ធិសីល្ប៍ទម្លុះបេះដូង ធ្វើអោយមីងយាកធ្លាក់ដល់បាតទន្លេខ្មៅ រងរបួសបិះតែបាត់បង់ជីវិត។ ប៉ុន្តែនៅបាតទន្លេខ្មៅមានរបស់ម្យ៉ាងគឺថ្មចរណៃទន្លេខ្មៅដែលជារបស់ស័ក្តិសិទ្ធអាចជួយដល់ជីវិតរបស់មីងយាកបាន។ ដោយឃើញមីងយាកជិតស្លាប់ ធានហ័ន បានប្រើយុទ្ធិសីល្ប៍ដើម្បីស្រូបយកថ្មចរណៃនោះមកជួយដល់មីងយាក ប៉ុន្តែនៅពេលថ្មចរណៃនោះជួយដល់ជីវិតមីងយាក ទន្លេខ្មៅទាំងមូលនឹងមានរលកព្យុះ បំផ្លាញដំណាក់ថ្មទឹក ធ្វើអោយគ្រប់គ្នា ត្រូវរងរបួស និងស្លាប់មិនខាន។ 

ព្រោះតែបែបនេះទើបអាជីវ ដែលជាបុត្រីរបស់មេបក្សដំណាក់ថ្មទឹក សុខចិត្តលះបង់ឆ្អឹងទេវតា ដែលជាថាមពលកំលាំងតែមួយគត់របស់នាង ដើម្បីជំនួសថ្មចរណៃ ស្រោចស្រង់ទន្លេខ្មៅអោយត្រឡប់មកដូចដើមវិញ។  ឈុតឆាកល្អមើលនៃរឿង ព្រះច័ន្ទអស្តង្គត ទាំងនេះនឹងត្រូវចាក់ផ្សាយនៅថ្ងៃនេះហើយ វេលាម៉ោង ១២ថ្ងៃត្រង់ នៅលើកញ្ចក់ ទូរទស្សន៍ភីអិនអិន ៕ 
 

ដោយ៖ ម៉ី វ៉ាន់ណែត