ដូចទស្សនិកជនបានដឹងហើយថាកម្មវិធីតន្ត្រី Cambodia Lite Station តែងតែអញ្ជើញតារាចម្រៀងល្បីៗចូលរួមក្នុងកម្មវិធីដោយមួយសប្តាហ៍នឹងមានវត្តមានតារាកិត្តិយសចូលរួមពីរដួង។  តារាទាំងពីរដួងនឹងរួមគ្នាបកស្រាយបទចម្រៀងបែបលន្លង់លន្លោច អមជាមួយនឹងភ្លេងបែប Acoustic យ៉ាងពីរោះរណ្តំចិត្តតែម្តង។ មិនតែប៉ុណ្ណោះ ពួកគាត់នឹងមកចែករំលែកពីបទពិសោធន៍ក្នុងការផលិតបទចម្រៀង និងបទពិសោធន៍ដំណើរកម្សាន្តទៅកាន់រមណីយដ្ឋានធម្មជាតិផ្សេងៗ។ 

នៅសប្តាហ៍នេះ វត្តមានរបស់តារាចម្រៀងពីរដួងទៀតហើយដែលនឹងចូលខ្លួនមកចែករំលែកបទពិសោធន៍របស់ខ្លួនរួមនិងបកស្រាយបទចម្រៀងជាច្រើនបទថែមទៀតផង។ តារាចម្រៀងទាំងពីរដួងមានដូចជា លោក ទីង តុង និង កញ្ញា ស៊ីន សេដ្ឋសុជ្ឈតា។

ទាំងពីរដួងសុទ្ធសឹងតែមានសម្លេងពីរោះ ស្តាប់ហើយចង់ស្តាប់ទៀត ជាពិសេសនៅពេលបានបកស្រាយបទចម្រៀងទាំងនេះជាមួយភ្លេង Acoustic ទៀតនោះកាន់តែធ្វើអោយពីរោះទ្វេដង។ ចង់រំសាយកង្វល់ កុំភ្លេចទស្សនាជាមួយកម្មវិធី Cambodia Lite Station ចាក់ផ្សាយនៅថ្ងៃអាទិត្យ ទី០៤ ខែសីហា ឆ្នាំ២០២៤ វេលាម៉ោង ៥ល្ងាចតទៅ នៅលើកញ្ចក់ ទូរទស្សន៍ភីអិនអិន៕ 

ដោយ៖ ម៉ី វ៉ាន់ណែត