កម្មវិធីល្បីឈ្មោះ The Wall Song Cambodia បានបិទបញ្ចប់រដូវកាលទី១របស់ខ្លួនហើយកាលពីពេលថ្មីៗ។ តែយ៉ាងណាកម្មវិធីនៅតែមានសកម្មភាពឈុតឆាកពិសេសរបស់់សិល្បករ សិល្បការិនីល្បីៗ ដែលជាអនុស្សាវរីយ៍មួយមិនអាចបំភ្លេចបាន ដែលមានទាំងសកម្មភាពសើចសប្បាយរីករាយ ទឹកភ្នែក អមនឹងសាច់រឿងប្លែកៗជាច្រើន នឹងកើតឡើងនៅថ្ងៃទីសៅរ៍ ទី៩ ខែធ្នូ ឆ្នាំ២០២៣ចុងសប្ដាហ៍នេះ។

ក្រុមតារាដែលបានផ្តល់កិត្តិយសនារដូវកាលទី១សុទ្ធតែមានការភ្ញាក់ផ្អើល និងកោតសរសើរចំពោះភាពប៉ិនប្រសព្វប្រកបដោយភាពច្នៃប្រឌិតក្នុងការផលិតកម្មវិធី The Wall Song Cambodia។  មិនត្រឹមតែសិក្បករ សិល្បការិនីប៉ុណ្ណោះទេ ទស្សនិកជនដែលចាអ្នកទស្សនានៅលើកញ្ចក់ ទូរទស្សន៍ PNN និងនៅលើបណ្ដាញសង្គមនានាក៏បានកោតសរសើរ និងគាំទ្រកម្មវិធីនេះខ្លាំងផងដែរ។

សកម្មភាពឈុតឆាកពិសេសដែលនឹងលេចវត្តមាននាចុងសប្ដាហ៍នេះមានការបង្ហាញពីតារាល្បីៗដូចជា ពូឃ្លាំង កញ្ញា សុខ សីឡាលីន  នេន ទុំ នាយ ក្រាន់ កញ្ញា ផេន ខេក និងតារាល្បីៗជាច្រើនទៀត។

 សម្រាប់សប្ដាហ៍នៃការបង្ហាញឈុតឆាកពិសេសរបស់កម្មវិធី The Wall Song Cambodia ពេញមួយរដូវកាលឆ្នាំ២០២៣នេះ ទស្សនិកជនឹងកាន់តែប្លែកជក់ចិត្តថែមទៀត ឬអាចនឹងនឹកស្មានមិនដល់ដែលឈុតឆាកពិសេសខ្លះទស្សនិកជនអាចនឹងចាប់អារម្មណ៍ជាថ្មីទៀតក៏ថាបាន។

ដូច្នេះកុំភ្លេចរង់ចាំទស្សនាឈុតឆាកពិសេសៗនៅថ្ងៃសៅរ៍ទី៩ ខែធ្នូ ឆ្នាំ២០២៣  វេលាម៉ោង ៨ដល់ម៉ោង ៩យប់លើកញ្ចក់ ទូរទស្សន៍ PNN។

សូមបញ្ជាក់ថាកម្មវិធី The Wall Song Cambodia រដូវកាលទី២ នឹងត្រឡប់មកវិញនៅដើមឆ្នាំ២០២៤ខាងមុខ ជាមួយនឹងផ្ទាំងទស្សនីយភាពកាន់តែប្លែក និងចាប់អារម្មណ៍ថែមពីតារាល្បីៗក្នុងប្រទេស កម្ពុជា៕

ទស្សនាវីដេអូខ្លីសូមចុច៖

ដោយ៖ អ៊ីង សូឡា