ជារៀងរាល់សប្តាហ៍ ស្ថានីយ៍ទូរទស្សន៍ភីអិនអិន តែងតែពាំនាំយកនូវកម្មវិធី កម្សាន្តសប្បាយៗ មកបម្រើជូនដល់ទស្សនិកជន ក៏ដូចជាហ្វេនៗ។  តួយ៉ាង ដូចជាកម្មវិធី  «គ្រួសាររីករាយ» ដែលជាកម្មវិធី គាំទ្រ និងផ្តល់ឱកាស ដល់ប្អូនៗ កុមារា កុមារី តូចៗ គួរឲ្យស្រលាញ់ មកចូលរួមបង្ហាញសមត្ថភាព ភាពវៃឆ្លាត ទេពកោសល្យ ដើម្បីជាការចូលរួម លើកស្ទួយការកសាងធនធានមនុស្សឲ្យបានច្រើនផងដែរ។ 
ត្រឡប់មកកាន់សប្តាហ៍ថ្មី ជាបន្តទៀត ពីគ្រួសាររីករាយ ដែលនឹងមានការចូលរួមពីវត្តមាន កុមារីតូច ផល សុស្រីពេជ្រ បានដឹកដៃបងប្រុស និងអ្នកម៉ាក់ មកចូលរួមលេងហ្គេម ដើម្បីទទួលបានរង្វាន់ជាច្រើនពីកម្មវិធី។ ក្នុងនោះដែរ អូនតូច សុស្រីពេជ្រ ត្រូវឆ្លងកាត់វិញ្ញាសារដែលកម្មវិធីបានដាក់ជូន ជាមួយនឹងការប្រើប្រាស់ប្រាជ្ញាដ៏វៃឆ្លាត ដើម្បីអាចឆ្លងកាត់វិញ្ញាសារទាំងអស់នោះដោយជោគជ័យ។ 

មិនត្រឹមតែប៉ុណ្ណោះ អូនតូច សុស្រីពេជ្រ នឹងព្យាយាមធ្វើយ៉ាងណាពន្យល់ដល់បងប្រុស និងអ្នកម៉ាក់ដើម្បីអោយអ្នកទាំងពីរងាយយល់ នឹងឆ្លើយបានត្រឹមត្រូវ ដើម្បីទទួលបានរង្វាន់ត្រឡប់ទៅផ្ទះវិញយ៉ាងសប្បាយរីករាយ ប្រកបដោយស្នាមញញឹម។  

ចង់ដឹងទេថា អូនតូច សុស្រីពេជ្រ នឹងទទួលបានរង្វាន់អ្វីខ្លះពីកម្មវិធីនោះ ជាមួយនឹងការបញ្ចេញសមត្ថភាព យ៉ាងណាខ្លះ? សូមកុំភ្លេចរង់ចាំតាមដានទស្សនាការផ្សាយជូននៅលើកញ្ចក់ទូរទស្សន៍ភីអិនអិន ក្នុងកម្មវិធី «គ្រួសាររីករាយ» នៅថ្ងៃអាទិត្យ ទី ១០ ខែធ្នូ ឆ្នាំ ២០២៣ ចាប់ពីវេលាម៉ោង ១១ព្រឹកតទៅ៕ 
សូមទស្សនាវីដេអូខាងក្រោម៖

ដោយ៖ ស្រីមុំ